У Брэсцкай вобласці затрымалі 68-гадовага Барыса Вітко, якога раней асудзілі да двух гадоў «хатняй хіміі».
На апублікаваным відэа Барыс кажа, што яго затрымалі па падазрэнні ў абразе Лукашэнкі (арт. 368 Крымінальнага кодэксу).
20 студзеня 2022 года суд Ляхавіцкага раёна прызнаў Вітко вінаватым паводле арт. 391 КК за абразлівы каментар у дачыненні да баранавіцкага суддзі Мікалая Кміта. Сваю віну Барыс тады не прызнаў, піша «Вясна».
