На спатканне ўсляпую разам з дзяўчынай прыйшлі яе 23 сваякі. Усё скончылася судом
У Кітаі мужчына запрасіў дзяўчыну на спатканне ў рэстаран. Тая прыйшла, але суправаджала яе больш за два дзясяткі сваякоў. Яшчэ большае здзіўленне ў мужчыны выклікаў рахунак, які яму прынеслі ў канцы вечара — агульны кошт вячэры склаў амаль 3 тысячы даляраў.
Хлопец адмовіўся аплачваць велізарны рахунак і пакінуў рэстаран. Яго спадарожніца аплаціла вячэру сама, але пазней запатрабавала вярнуць ёй палову сумы. Мужчына ў адказ прапанаваў кампенсаваць толькі 500 даляраў.
Урэшце абураная дзяўчына падала ў суд, аднак пасля разгляду справы суддзя вынес рашэнне на карысць маладога чалавека. У выніку няўдалае спатканне абышлося хлопцу ў 196 даляраў — гэта сума, якая пакрыла тое, што з'еў ён і яго спадарожніца.
Ці было ў іх другое спатканне, невядома.
Чытайце таксама:
Сэкс строга па раскладзе, ежа і адзенне аднолькавыя, усё распісана наперад. Мінчук расказаў пра свой незвычайны лад жыцця
У Канадзе ў лесе ноччу знялі на камеру два жудасныя напаўголыя сілуэты, якія харчаваліся трупам аленя
У Швецыі аператар танцавальнага шоу камерай адправіў экаактывіста ў накдаўн
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
