Фота: gorod214

Фота: gorod214

Нагадаем, што раней археолагі знайшлі шмат матэрыялаў, якія сталі падцвярджэннем існавання на гэтым месцы буйной вытворчасці па апрацоўцы каляровых металаў — так званага квартала ювеліраў.

Фота: gorod214

Фота: gorod214

А днямі ў ювелірнай майстэрні быў знойдзены скарб медных візантыйскіх фолісаў. Гэта старажытныя манеты, адчаканеныя на мяжы X—XI стст., якія патрапілі ў Полацк у XI стагоддзі. Гаспадар схаваў іх пад печкай-каменкай, дзе плавілі каляровыя металы.

Дзве манеты знаходзяцца ў добрым стане, на адным баку прачытваецца надпіс-легенда, на другім — аблічча правіцеля-імператара. Папярэдне навукоўцы мяркуюць, што гэта Васіль II Балгарабойца, пры якім падтрымліваліся цесныя сувязі Кіеўскай Русі і Візантыйскай імперыі.

Фота: gorod214

Фота: gorod214

Пашкоджаныя манеты ўжо накіраваныя на рэстаўрацыю ў музей-запаведнік.

Унікальнасць знаходкі ў тым, што раней у Беларусі, як патлумачыў Аляксей Коц, у межах археалагічных раскопак візантыйскіх скарбаў не знаходзілі. Адзінкавыя манеты былі, а ў складзе калекцыі яны трапіліся ўпершыню.

Фота: gorod214

Фота: gorod214

Яшчэ адзін каштоўны артэфакт — фрагмент падвескі ў выглядзе сякеркі, што служыла абярэгам для ваяра. На сякерцы напаяна птушачка. Знаходка датуецца XI—XII стагоддзямі і раней падобных прыкладаў на тэрыторыі краіны зусім не сустракалася. Насіць такія рэдкія статусныя рэчы маглі толькі ваяры высокага рангу.

Фота: gorod214

Фота: gorod214

Рэдкімі з’яўляюцца таксама фрагменты фальшывых дырхемаў, якія не завозіліся з Арабскага халіфата, а выплаўляліся непасрэдна на месцы. Цікава, што ў 1980-я гады археолаг Сяргей Тарасаў знайшоў падчас раскопак у Полацку ліцейную форму для вырабу такіх манет.

Фота: gorod214

Фота: gorod214

Чытайце таксама:

Археалагічны комплекс на Менцы абяцаюць зрабіць новым брэндам Беларусі

У Полацку падчас раскопак на стадыёне знайшлі старажытны «квартал ювеліраў»

У вежы Гедыміна Лідскага замка адкрылася археалагічная выстава

Клас
34
Панылы сорам
2
Ха-ха
0
Ого
5
Сумна
3
Абуральна
5