Міністр абароны Расіі Сяргей Шайгу падчас візіту ў КНДР у ліпені 2023 года. Фота: Korean Central News Agency / Korea News Service via AP

Міністр абароны Расіі Сяргей Шайгу падчас візіту ў КНДР у ліпені 2023 года. Фота: Korean Central News Agency / Korea News Service via AP

Паўночная Карэя паставіла ў Расію 1 мільён артылерыйскіх снарадаў, паведамляе «Медуза» са спасылкай на Bloomberg. Тыя, у сваю чаргу, спасылаюцца на дэпутата парламента Паўднёвай Карэі Ю Санг Бума, які атрымаў гэтыя звесткі ад Нацыянальнай разведвальнай службы краіны.

Пастаўкі ўзбраення, якое расійская армія выкарыстоўвае супраць Украіны, прадаўжаюцца са жніўня — усяго за гэты час КНДР адправіла ў Расію 10 партый зброі. Таксама ў Расію з КНДР выехалі дарадцы па выкарыстанні боепрыпасаў.

Аб пастаўках зброі з Паўночнай Карэі ў Расію паведамілі ў Белым доме яшчэ 13 кастрычніка — тады прадстаўнік Рады нацыянальнай бяспекі ЗША Джон Кірбі паказаў спадарожнікавыя здымкі, якія даказваюць перамяшчэнне снарадаў.

Гэтыя даныя пацвярджаюцца іншымі апублікаванымі спадарожнікавымі здымкамі — у прыватнасці, 16 кастрычніка эксперты брытанскага Каралеўскага інстытута абаронных даследаванняў на аснове кадраў, зробленых з космасу, вызначылі маршрут паставак зброі.

У верасні пастаўкі вайсковай тэхнікі называлі галоўнай тэмай перамоваў Кім Чэн Ына падчас ягонага візіту ў Расію.

Чытайце таксама:

Эксперты выявілі імаверныя шляхі паставак зброі з КНДР у Расію

Кім Чэн Ын падняў тост за перамогу Расіі і выказаў падтрымку агрэсару ў «свяшчэннай барацьбе»

Шайгу сустрэўся ў Пхеньяне з Кім Чэн Ынам

«Добро пожаловать, товарищ министр обороны!» Паглядзіце, як сустракалі Сяргея Шайгу ў Пхеньяне ФОТЫ

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?