Дзве выхавальніцы Эрыка Джонс і Серэна Колдуэл, якія арганізоўвалі баі ў дзіцячым садку. Фота: Newberry County Sheriff’s Office

Дзве выхавальніцы Эрыка Джонс і Серэна Колдуэл, якія арганізоўвалі баі ў дзіцячым садку. Фота: Newberry County Sheriff’s Office

Паліцыя амерыканскага штата Паўднёвая Караліна арыштавала дзвюх выхавальніц мясцовага дзіцячага садка, якія на тэрыторыі ўстановы ладзілі дзіцячыя баі, перадае тэлеканал Fox News.

Як паведаміла паліцыя, 27-гадовая Эрыка Джонс і 56-гадовая Сэрэна Колдуэл падчас сваёй працы ў дзіцячым садку прымушалі выхаванцаў тузаць, цягаць і біць адно аднаго. Рабілася гэта нібыта ў якасці пакарання за непаслухмянасць, «каб дзеці лепш слухаліся».

Усяго ў бойках прымушалі ўдзельнічаць 14 дзяцей узростам ад 3 да 4 гадоў.

«Бацька адной з ахвяр даў паказанні, што яго дзіцяці загадвалі некалькі разоў біць іншага выхаванца. Я не ведаю, чым думалі гэтыя дзве выхавальніцы і навошта гэта было рабіць. Гэта проста найагіднейшы ўчынак», — заявіў шэрыф мясцовай паліцыі Лі Фостэр. 

Ён дадаў, што пацярпелыя дзеці не атрымалі сур'ёзных фізічных траўмаў, аднак ім нанесеная велізарная псіхалагічная шкода. 

Арыштаваным выхавацелькам выстаўленыя абвінавачанні па 14-15 пунктах «аб незаконным абыходжанні з дзецьмі і схіленні непаўналетніх да ўчынення злачынстваў».

Чытайце таксама:

«Прыбіральніца раскідала зменку». Маці школьніка з Новай Баравой лютуе, а ў каментарах дакараюць яе саму 

«Малінавая Лада». 83-гадовы кампазітар Ханок спяваў дзецям рускую папсу ВІДЭА

У дзяцей, якія задоўга сядзяць перад тэлевізарам ці ў тэлефоне, большая рызыка з'яўлення сардэчных хвароб

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?