Фота: nurnbergband, repolinare, nizkiz_music_band / Instagram

Фота: nurnbergband, repolinare, nizkiz_music_band / Instagram

Большасць песень у топе належаць пост-панк гурту Nürnberg з Мінска. Хлопцы забралі сабе ажно 23 месцы ў спісе з 90, у тым ліку першае і другое! Так, у рэйтынгу лідзіруе трэк мінчукоў «Валасы» — 5,76 мільёна праслухоўванняў, а на другім месцы іх жа кампазіцыя «Бессэнсоўнасць» — 5,54 мільёна. Ёсць у Nürnberg яшчэ чатыры трэкі-мільённікі: «Расплываецца» (1,65 мільёна), «Усё роўна» (1,6 мільёна), «Лёс» (1,59 мільёна) і «Жорстка» (1,05 мільёна).

Але не «Нюрнбергам» адзіным — багата месцаў у спісе скарыў Сяргей Міхалок і яго праекты. Найлепшы вынік у нятленкі «Грай» ад «Ляпіса Трубяцкога» — 1,7 мільёна праслухоўванняў. 715 тысяч узяў трэк гурта Brutto «Родны край», 478 тысяч — «Не быць скотам» ад «ляпісаў».

Бронзу рэйтынгу і яшчэ шэсць месцаў у спісе атрымалі Nizkiz. Вы, хутчэй за ўсё, ведаеце іх самы папулярны трэк адсюль — «Небяспечна» (2,795 мільёна). Добрыя вынікі таксама ў іх песень «Гуантанама» (950 тысяч), «Правілы» (630 тысяч) і «Люстэрка» (482 тысячы).

Таксама ў топ-10 рэйтынгу ўляцеў калектыў Dzivia з песняй «Дзікае паляванне» — 2,095 мільёна. Музыка ў іх незвычайная — гэта гучанне сімфанічнага аркестра і славянскіх этнічных інструментаў з элементамі блэк-металу. Вось іншыя іх кампазіцыі з добрымі лічбамі ў гэтым топе: «Ворыва» (834 тысячы), «Ватага» (708 тысяч) і «Памерлыя Божышча» (441 тысяча).

Неблагія паказчыкі ў спявачкі Palina і тэхна-блюзавага гурта Intelligency. Іх сумесная «Беларуская песня» ўзяла сёмае месца рэйтынгу (1,676 мільёна), але далей шляхі выканаўцаў разыходзяцца. Palina мае яшчэ два трэкі з добрымі вынікамі — «Месяц» (535 тысяч) і «Як ты» (866 тысяч), прычым мінулая версія апошняга з трэкаў, «Як ты», таксама трапіла ў спіс — яе праслухалі 271 тысячу разоў. Што да Intelligency, яны прадстаўленыя ў рэйтынгу і ўласнай песняй «Малітва Беларуская» — 283 тысячы праслухоўванняў.

Найлепшы вынік ад NAVIBAND — «Гісторыя майго жыцця» (1,88 мільёна), ад VAL — «Da Vidna» (990 тысяч). У топе апынуліся таксама ўкраінскі гурт «Один в каноэ» і песня «Пішы» (1,248 мільёна), а яшчэ рагачоўцы TOR BAND, асуджаныя за сваю музыку да жудасных тэрмінаў ад 8 да 10 гадоў («Жыве», 234 тысячы). У сярэдзіне рэйтынгу схавалася этна-хіпхоперка Iva Sativa (Kanapel — 350 тысяч, Pan — 347 тысяч). А ў падвале знайшлося месца для дуэта Luty Sakavik, спевака AP$ENT, гурта Akute, Леры Яскевіч і Вольнага хору.

Нарэшце, адзначым, што беларусы не забываюць і іншую класіку, акрамя Міхалка — праўда, легенды айчыннага року збольшага ў другой палове рэйтынгу. Але ж добрыя паказчыкі, напрыклад, у «Песняроў». Самай папулярнай з іх трэкаў аказалася песня «Касіў Ясь канюшыну» — 724 тысячы, 477 тысяч набрала «Зачарованая мая». «Тры чарапахі» маюць 437 тысяч праслухоўванняў у варыянце ад N.R.M. і 166 тысяч — у варыянце ад уласна Лявона Вольскага, «Маё сонца» ад J:Mors заляцела на 220 тысяч.

Самы папулярны беларускамоўны гурт у свеце — хто гэтыя хлопцы?

Што трэба ведаць пра гурт Tor Band — музыкаў, якіх пакаралі жахлівымі тэрмінамі за іх хіты

«Дядя Саша, без обид, но вам никто не рад». Пагутарылі з беларускім спеваком AP$ENT, чые песні збіраюць мільёны праслухоўванняў

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?