Фота: МНС

Фота: МНС

Ратавальнікі выявілі на паверхні возера на адлегласці каля 8 м ад берага палонку. На беразе знаходзіўся мужчына, які растлумачыў, што яго знаёмы паспрабаваў праверыць трываласць лёду ў возеры для рыбнай лоўлі і праваліўся ў ваду, піша МНС.

Мужчына ў момант здарэння знаходзіўся ў машыне і нічога не бачыў, а потым, калі пайшоў шукаць свайго сябра, выявіў палонку.

Ратавальнікі дасталі на бераг цела 35-гадовага мужчыны, жыхара Быхава.

З прыходам першых маразоў вада ў вадаёмах пакрываецца лёдам, на які спяшаюцца выйсці аматары-рыбакі і дзеці, імкнучыся выпрабаваць лёд на трываласць. Першы лёд вельмі падступны, ён толькі здаецца трывалым, а насамрэч ён не вытрымае цяжару не толькі дарослага чалавека, але і дзяцей, папярэджвае МНС.

Як правіла, падчас станаўлення лёду, вадаёмы замярзаюць нераўнамерна, па частках: спачатку ля берага, а затым ужо на сярэдзіне. На азёрах, сажалках лёд з'яўляецца раней, чым на рэчках, дзе плынь затрымлівае яго ўтварэнне.

Чытайце таксама:

Злодзей перасунуў кубак і лыжкі і так выдаў сябе

АМАП страляў у 19-гадовага жыхара Крупскага раёна

Трагедыя ў Ляхавіцкім раёне: на пажары загінулі двое дзяцей

Клас
0
Панылы сорам
2
Ха-ха
0
Ого
0
Сумна
1
Абуральна
1