Letni spad cenaŭ na nieruchomaść u stalicy
Cioletnim červieniem mienskaje žyllo na druhasnym rynku padaražeła na 1%.
09.07.2007 / 18:56
Siaredni košt prapanovy kvateraŭ u Miensku pavialičyŭsia na 20 dalaraŭ i dasiahnuŭ uzroŭniu 1907 $/m²., paviedamlaje sajt nieruchomaści Realt.by. Nahadajem, što ŭ traŭni rost koštu prapanovy byŭ utraja bolšy.
U červieni troch‑ i čatyrochpakajoŭki padaraželi na 1,8% i 2,7% adpaviedna (u traŭni hetyja pakazčyki składali 4,6% i 5,6% adpaviedna). Dvuchpakajoŭki padaraželi niaznačna — na 0,6% (+2,9% u traŭni), a adnapakajoŭki navat patańnieli na 0,6% (+0,9% u traŭni).
Pa‑raniejšamu najdaražejšyja kvatery ŭ Centralnym rajonie stalicy — za miesiac žyllo tut padaražeła na $47 (2178$/m²). Na druhim miescy pa darahoŭli kvatery ŭ Savieckim rajonie, jakija padaraželi na $37 (2128$/m²). Najtańniejšyja kvatery ŭ Zavodzkim rajonie: tut 1 m². kaštuje $1743.
Košty na kamercyjnaje žyllo nie źmianilisia: 1500‑2500$ za kvadratny metar.