У Маскве пры пасадцы разваліўся і загарэўся самалёт. Загінулі трое
29.12.2012 / 17:02
У Маскве, у аэрапорце «Унукава» самалётТу-204 пры пасадцы выехаў за межыўзлётна-пасадачнай паласы, пасля чаго загарэўся.
Выехаўшы за межы аэрапорта, самалёт спыніўся на Кіеўскай шашы і часткова разваліўся. На борце знаходзіліся 12 чалавек, паведамляецца пра трох загінулых. У самалёце быў толькі экіпаж.
Пажар на борце самалёта быў неўзабаве патушаны. У самалёта адваліліся крылы і хвост.
Аэрапорт зачынены, і ўсе рэйсы накіроўваюцца ў Шарамецева.
Пацярпелі, як мінімум, пяць чалавек. Іх стан ацэньваецца як цяжкі або вельмі цяжкі. Самалёт прыбыў ва Унукава з Чэхіі.