Abas pierajmienavaŭ PNA u «Dziaržavu Paleścina»
Paleścinskaja nacyjanalnaja administracyja (PNA) zaraz budzie nasić nazvu "Dziaržava Palestyna" va ŭsich aficyjnych dakumientach.
07.01.2013 / 09:53
Kiraŭnik Machmud Abas padpisaŭ ukaz, u jakim rasparadziŭsia ŭnieści adpaviednyja źmieny ŭ aficyjnuju simvoliku, uklučajučy hierb i piačatku, paviedamiła dziaržaŭnaje ahienctva VAFA.
U dekrecie havorycca, što hety krok zaklikany dapamahčy paleścinskaj dziaržavie «ŭstać na nohi i stvaryć svaje dziaržaŭnyja instytuty… a taksama ŭmacavać suvierenitet».
Na minułym tydni Abas zahadaŭ Ministerstvu zamiežnych spraŭ i pasolstvam pačać vykarystoŭvać nazvu «Dziaržava Paleścina» ŭ aficyjnaj pierapiscy,paviedamlaje ahienctva
U kancy listapada 2012 h. Paleścina pavysiła svoj status u AAN — ad pastajannaha naziralnika da
Pavyšeńnie statusu dazvoliła paleścincam udzielničać u sprečkach na Hienieralnaj Asamblei AAN, a taksama pavysiła vierahodnaść udziełu ŭ roznych ahienctvach AAN i Mižnarodnym kryminalnym sudzie, choć hety praces nie źjaŭlajecca aŭtamatyčnym.
U 2011 hodzie kiraŭnik Paleścinskaj administracyi Machmud Abas padaŭ zajaŭku na ŭstupleńnie ŭ AAN na pravach paŭnapraŭnaha členstva.
Hetaja zajaŭka była adchilenaja, nie atrymaŭšy padtrymki Rady Biaśpieki AAN.
Paleścincy sprabujuć damahčysia pryznańnia krainy ŭ miežach, jakija isnavali da 1967 hoda, kudy ŭvachodziŭ Zachodni bierah raki Iiardan, u tym liku ŭschodniaja častka Jerusalima i Siektar Haza.