Smalavicki rajonny sud apraŭdaŭ aktyvista, abvinavačanaha ŭ brydkasłoŭi
Alaksandar Syryčko byŭ zatrymany milicyjantam paśla akcyi «Dzie Śviatło?». U pastarunku na na jaho skłali pratakoł ab chulihanckich pavodzinach.
09.08.2007 / 09:17
7 žniŭnia ŭ horadzie Smalavičy, što na Mienščynie, na centralnaj płoščy nasuprać rajvykankamu była praviedziena akcyja pad nazvaj «Dzie Śviatło?». Hetia padzieja była źviazanaja z tym, što miascovyja ŭłady ekanomiać elektryčnaść i ŭžo pajšoŭ 3 miesiac, jak na vulicach horadu nie harać lichtary.
U akcyi prymali ŭdzieł kala 60 čałaviek, siarod jakich byli moładzievyja demakratyčnyja aktyvisty i prosta niezaanhažavanaja moładź horadu. Vykłaŭšy na ziamli z zapalenych śviečak pytańnie «Dzie Śviatło?», udzielniki akcyi sprabavała pryciahnuć uvahu da prablemy ciemry na vulicach.
Paśla zakančeńnia mierapryjemstva moładź nie śpiašałasia razychodzicca. Adzin z udzielnikaŭ - Alaksandar Syryčko byŭ zatrymany milicyjantam, dastaŭleny ŭ pastarunak, dzie na jaho byŭ składzieny administratyŭny pratakoł ab chulihanckich pavodzinach. Na ranicu adbyŭsia sud, sudździa ŭličyła śviedčańni z boku abvinavačanaha i apraŭdała chłopca.