U lipieni mienskaje žyllo daražeła na dalar u dzień

Ciaham lipienia mienskaje žyllo na druhasnym rynku padaražeła na 1,9%.

10.08.2007 / 13:53

Ciaham lipienia mienskaje žyllo na druhasnym rynku padaražeła na 1,9%.

Pry hetym, pavodle sajtu nieruchomaści Realt.by, siaredni košt prapanovy kvateraŭ u Miensku pavialičyŭsia na $36,5 i dasiahnuŭ uzroŭniu 1944 $/m².

U lipieni najbolš istotna padaraželi dvuch‑ i čatyrochpakajovyja kvatery — na 2,2% i 2,4% adpaviedna. Košty na adna‑ i trochpakajoŭki ŭźnialisia na 1,3% i 1,9% adpaviedna.

Pa‑raniejšamu najdaražejšyja kvatery ŭ Centralnym i Savieckim rajonach stalicy — u lipieni žyllo tut kaštavała 2234 i 2234$/m² (rost cany skłaŭ 2,6% i 2% adpaviedna). Camyja tannyja kvatery ŭ Zavodzkim rajonie, dzie 1 m². kaštuje $1772. Siaredni pakazčyk koštaŭ na 1 m² žylla ŭ inšych rajonach Miensku składaje $1970.

Nie źmianilisia ŭ lipieni košty na kamercyjnaje žyllo: 1500‑2500$/m².

SP