Na 34-m hodzie pamior akcior Bresckaha teatra Viktar Piskun
17.05.2013 / 12:21
Maładoha akciora Bresckaha akademičnaha teatra dramy Viktara Piskuna viedali i lubili. Za svajo karotkaje teatralnaje žyćcio jon syhraŭ bolš za 20 rolaŭ u roznych pastanoŭkach. Zachaplaŭ svajoj hulnioj darosłych u surjoznych śpiektaklach i ciešyŭ dziaciej u viasiołych kazkach.
Viktar vučyŭsia ŭ Biełaruskim univiersitecie kultury. Pracavaŭ u Bresckim akademičnym teatry dramy z 2000 hoda. Jon mieŭ dziŭny talent pieraŭvasableńnia. Siarod rolaŭ: Usiasłaŭ («Kryž kachańnia»), Niedzim («Sałamieja Rusieckaja»), Miadźviedź («Zvyčajny cud»), Alfred («Kachańniem nie žartujuć»); «Ramea i Džuljeta» (Parys) dy inš.
U apošnija hady jaho repiertuar značna papoŭniŭsia novymi rolami ŭ śpiektaklach. Siarod ich - bliskučaja hulnia ŭ pastanoŭkach «Prymaki» (Maciejka), «Złačynstva i pakarańnie» (Raskolnikaŭ), «Čorny anioł z biełymi kryłami» (Samojłaŭ), «Siŭka-Burka» (Ivan) dy šmat inšych.
Jon pamior paśla doŭhaj chvaroby. Jamu było 33 hady.