Žytło, jakoje zastaniecca niepryvatyzavanym za hod, piarojdzie ŭ razrad kamiercyjnaha
17.05.2013 / 16:59
U Biełarusi raspracavany prajekt ukaza, jaki praduhledžvaje pieravod žyłych pamiaškańniaŭ, dadzienych hramadzianam na padstavie dahavoraŭ najmu, a taksama słužbovaha i śpiecyjalnaha žyłla ŭ razrad kamiercyjnaha. Pra heta paviedamiŭ ministr
Pavodle jaho słoŭ, prajekt ukaza znachodzicca «na stadyi nakiravańnia kiraŭniku dziaržavy».
Jak adznačyŭ ministr, takoha žyłla ŭ Biełarusi 392 tysiačy kvater, ci 14% ad ahulnaj kolkaści. «Heta žyłlo hramadzianie majuć prava pryvatyzavać, i na siońnia jašče 182 tysiačy hramadzian majuć na rukach čeki „Žyłlo“, jakija mohuć nakiravać na pryvatyzacyju», — skazaŭ Šorac.
Pavodle jaho słoŭ, prajekt ukaza praduhledžvaje, što na praciahu hoda paśla pryniaćcia dakumienta hramadzianie buduć mieć prava pryvatyzavać žyłlo. Kali jany admoviacca ad pryvatyzacyi ciz-za niejkich pryčyn nie zmohuć jaje ažyćciavić, žyłlo budzie pieraviedziena ŭ razrad arendnaha žyłla kamiercyjnaha karystańnia.
Kali hramadzianie buduć nie hatovyja płacić za karystańnie im, to jano budzie pieraviedziena ŭ žyłlo sacyjalnaha karystańnia.
7 maja na cyrymonii pačatku budaŭnictva žyłoha kompleksu dla navukovaj i tvorčaj intelihiencyi «Mahistr» u Minsku Alaksandr Łukašenka zajaviŭ, što košt najmu arendnaha žyłla pavinien być nie nižejšym za 50% ad rynkavaha.
«Heta pryncypova dla ŭsich. Arendnaje žyłlo nie moža być tańniejšym za 50% rynkavaha koštu, ale i daražejšym my nie budziem rabić», — skazaŭ jon. Razam z tym Łukašenka padkreśliŭ, što dla peŭnych katehoryj hramadzian budzie praciahnuta budaŭnictva sacyjalnaha žyłla: «Heta, napeŭna, vajennyja ludzi i, samaje hałoŭnaje, šmatdzietnyja siem’i. My im budziem sur’iozna dapamahać, tamu što heta naš hałoŭny pryjarytet. U astatnim budziem dzieści trochi dapamahać, ale my pierachodzim da arendnaha žyłla, jak žyvie ŭvieś śviet».