У першы дзень лета побач з Зямлёй пранясецца гіганцкі астэроід
20.05.2013 / 11:55
У ноч на 1 чэрвеня астэроід памерам 2,7 км праляціць побач з Зямлёй.
Астэроіду, які быў адкрыты яшчэ ў 1998 годзе, прысвоілі назву 1998 QE2. Ён будзе пралятаць на адлегласці 5,8 млн.км ад паверхні нашай планеты. За апошнія 200 гадоў гэта самае цеснае збліжэнне астэроіда з Зямлёй.
Вучоныя падрыхтаваліся ўжо да візіту касмічнага госця: яны маюць намер правесці радарнае зандзіраванне астэроіда і атрымаць звесткі аб яго саставе, форме і арбіце. Атрыманыя звесткі дапамогуць экспертам вызначыць паходжанне астэроіда і прадаставяць магчымасць меркаваць аб будучым магчымым перамяшчэнні гэтага гіганцкага касмічнага цела.