Rasija krytykuje Bałtyju za prajekt čyhunki jeŭrapiejskaj šyryni

10.06.2013 / 13:42

Krainy Bałtyi majuć namier zbudavać novuju čyhunku ź jeŭrapiejskaj šyrynioj kalainy (1435 mm). Daroha maje złučyć stalicu Estonii Talin, Łatvii — Ryhu, litoŭski horad Koŭna z Varšavaj i, dalej, Bierlinam. Prajekt nosić nazvu Rail Baltica. U pierśpiektyvie tunel abo čyhunačny parom majuć złučyć Talin sa stalicaj Finlandyi, horadam Chielsinki.

Na siońnia krainy Bałtyi majuć kalainu šyrynioj 1520 mm, jak i ŭsie krainy byłoha SSSR.

Dziakujučy novaj trasie prajezd pasažyraŭ i pieravozka hruzaŭ na zschodzie Jeŭropy palehčycca. Prajekt padtrymlivajecca Jeŭrakamisijaj.

Adnak zaduma sutyknułasia z supracivam Rasijskaj čyhunki, jakaja pry hetym moža stracić zonu ŭpłyvu. Prezident AAT «Rasijskija čyhunki» Uładzimir Jakunin nazvaŭ zadumu biessensoŭnaj i zaściaroh krainy Bałtyi ad poŭnaha pierachodu na kalainu jeŭrapiejskaj šyryni.

SH