Apazicyjaniera nie ŭziali na pracu ŭ milicyju
Aktyvistu apazicyi z Hłybokaha Jarasłavu Biernikoviču, jaki napisaŭ zajavu na pracaŭładkavańnie ŭ miascovaj milicyi, admovili.
08.08.2013 / 12:37
Pryčyna admovy ŭ tym, što niechta napisaŭ zajavu raniej, patłumačyŭ Biernikoviču namieśnik načalnika Hłybockaj milicyi pa ideałahičnaj pracy.
Biernikovič, jaki nie maje ciapier stałaj pracy, zaŭvažyŭ u miascovaj haziecie abviestku, što Hłybocki RAUS šukaje kandydataŭ na pasadu staršaha inśpiektara hrupy infarmacyjnaha zabieśpiačeńnia. Biernikovič sabraŭ nieabchodnyja dakumienty i prapanavaŭ svaje pasłuhi.
Jarasłaŭ Biernikovič pryznaje, što asabliva i nie raźličvaŭ na stanoŭčaje rašeńnie. Nasamreč praca ŭ jaho jość — ciapier jon vydaje rekłamnuju hazietu. Ale farmalna zvolniŭsia z pasady dyrektara, kab źnizić finansavuju nahruzku na pradpryjemstva.