Navalny padaŭ 447 pazovaŭ u maskoŭskija sudy

13.09.2013 / 15:01

Usiaho 447 pazovaŭ apazicyjaniera Alaksieja Navalnaha pa vynikach vybaraŭ mera Maskvy pastupiła ŭ rajonnyja sudy stalicy, paviedamlaje pres-słužba Masharsuda.

Materyjały znachodziacca ŭ 16 rajonnych sudach. Pa kožnym pazovie ŭ suda jość piać dzion dla rašeńnia ab pryniaćci jaho da razhladu abo ab admovie.

Napiaredadni Navalny napisaŭ u svaim ŽŽ, što jaho štab padrychtavaŭ 951 zajavu ŭ rajonnyja sudy ab admienie vynikaŭ vybaraŭ pa ŭčastkovym vybarčym kamisijam.

Apazicyjanier taksama paviedamiŭ, što zajavy i prykładzienyja dakumienty składajuć prykładna 50 tys. staronak, i ich pryjdziecca vieźci ŭ sud na hruzaviku.

Apazicyja śćviardžaje, što pieramoha Siarhieja Sabianina na vybarach mera Maskvy ŭžo ŭ pieršym tury stała mahčymaja dziakujučy parušeńniam i machinacyjam.