Sud nad udzielnikami akcyi pamiaci Pcičkina: štrafy i papiaredžańni
abnoŭlena, dadałasia druhaja častka videarepartaža.
16 vieraśnia prajšli sudy nad zatrymanymi dva dni tamu udzielnikami akcyi pamiaci Ihara Pcičkina.
16.09.2013 / 15:34
Ich abvinavacili ŭ niesankcyjanavanym pikietavańni. Iharu Kavalovu, Alaksandru Haŭryšu, Siarhieju Jaŭmienavu i Viktaru Katlaniku prysudzili štrafy pa 5 bazavych vieličyń (500 tysiač rubloŭ), siastra Ihara Pcičkina Iryna Miranovič atrymała papiaredžańnie.
Žurnalistam na pracesach prysutničać nie dazvolili, a na sudy nad Iharam Kavalovym i Alaksandram Haŭryšam nie puścili navat ich baćkoŭ.
Staršynia suda Jury Lebiedzieŭ admoviŭsia razmaŭlać z žurnalistami i rodnymi zatrymanych i prapanavaŭ pisać skarhu.