Žurnalistku zvolnili z-za koski
01.10.2013 / 11:23
U pres-relizie ad 16 vieraśnia, jaki staŭ chitom Internieta, paviedamlałasia pra dziaciej, jakija naradzilisia ŭ Dzień horada z «udziełam namieśnika staršyni Minharvykankama Ihara Karpienki».
Vierahodna, pres-reliz rassyłaŭsia vyklučna ŭ vydańni, zasnavanyja Minharvykankamam, ale paźniej jon ŭsio ž trapiŭ u niezaležnuju presu, dzie vyklikaŭ šmat uśmiešak i žartaŭ.
Pavodle ž vynikaŭ słužbovaha raźbiralnictva paśla zdareńnia było vyrašana pakarać nie aŭtaraŭ relizu, a dziaŭčynu, jakaja nibyta pieradała jaho niezaležnym žurnalistam. Z 1 kastryčnika žurnalistka zvolnienaja z UP «Ahienctva «Minsk-Naviny».
Aficyjnaja padstava zvalnieńnia – nibyta nievykanańnie joj umovaŭ vyprabavalnaha terminu.
U samim Minharvykankamie ŭ hutarcy z pres-słužbaj HA «BAŽ» ŭłasnuju pamyłku pryznali, ale abaraniać žurnalistku ad zvalnieńnia kateharyčna admovilisia, spasyłajučysia na samastojnaść UP «Ahienctva «Minsk-Naviny».