U niadzielu čakajucca daždžy
08.11.2013 / 17:02
Fota Alesia Hizuna, Intex-press.by.
U bližejšyja sutki, 9 listapada, umovy nadvorja ŭ Biełarusi buduć vyznačać čarhovyja atmasfiernyja franty, jakija źmiaščajucca z paŭdniovaha zachadu Jeŭropy.
Čakajecca vobłačnaje z prajaśnieńniami nadvorje. Na značnaj častcy terytoryi čakajucca daždžy, paviedamlaje pogoda.by.
U načnyja i ranišnija hadziny miescami tuman. Viecier paŭdniovy ŭmierany.
Tempieratura pavietra minimalnaja nočču ad +3°S pa poŭnačy da +11°S pa poŭdni, maksimalnaja dniom +8.. +13°S, pa poŭdni Bresckaj i Homielskaj abłaściej da +15°S.
Atmasfierny cisk budzie padać.
U dalejšym, 10 i 11 listapada, u krainie zachavajecca daždžlivaje ŭmierana ciopłaje nadvorje.
U niadzielu, 10 listapada, z Zachodniaj Jeŭropy da nas pieramieściacca aktyŭnyja atmasfiernyja franty, jakija pryniasuć daždžy, ranicaj i dniom u bolšaści rajonaŭ prahnazujucca mocnyja daždžy.
Na praciahu sutak tempieraturny fon budzie +5.. +11°S, pa paŭdniovym uschodzie +12.. +14°S.
U noč na paniadziełak jašče zachavajecca ŭpłyŭ frantalnych raździełaŭ, dniom nadvorje pačnuć farmavać niaŭstojlivyja pavietranyja masy, jakija pastupajuć z Bałtyjskaha mora.
Tamu nočču na bolšaj častcy terytoryi čakajucca daždžy, dzie-nidzie pa paŭnočnym uschodzie bolš intensiŭnyja.
U paniadziełak dniom miescami projduć karotkačasovyja daždžy. U asobnych rajonach zhuścicca tuman.
Tempieratura pavietra ŭnačy +2.. +8°S, pry prajaśnieńniach pavietra astudzicca da -2°S, dzionnaja tempieratura +3.. 9°S, pa Homielskaj vobłaści da 11°S ciapła.