Luteranskuju kirchu ŭ Hrodnie pačali restaŭravać — foty
20.11.2013 / 20:04
Raspačałasia restaŭracyja Haradzienskaj luteranskaj kirchi, rabočyja źbivajuć staruju tynkoŭku.
Pastar Haradzienskaj luteranskaj kirchi Ŭładzimier Tatarnikaŭ.
macoŭvajuć fundamenty kirchi.
Padčas restaŭracyjnych rabot u asnovie fundamentu vyjavili nadmahilnyja plity z nadpisami na niamieckaj movie.
Novyja łaŭki haradzienskaj kirsie padaryli luteranie z Hanoveru.
Adziny dziejny luteranski chram u Biełarusi pačali restaŭravać za košt dziaržavy i achviaravańniaŭ pryvatnych firmaŭ.
Pavodle pastara Ŭładzimiera Tatarnikava, jakich-kolviek značnych pracaŭ u budynku kirchi nie pravodzili ad času budaŭnictva ŭ 1912 hodzie. Praŭda, niekalki hadoŭ tamu była zamieniena blacha na dachu, paviedamlaje radyjo «Svaboda».
Pastar Uładzimier kaža, što ŭ 2014 hodzie Horadnia abvieščanaja kulturnaj stalicaj Biełarusi, — heta, maŭlaŭ, i padšturchnuła miascovyja ŭłady źviarnuć uvahu na stan adzinaj dziejnaj luteranskaj kirchi ŭ Biełarusi.
«Voś zaraz źbivajuć staruju tynkoŭku i ŭmacoŭvajuć padmurak. Planujecca, što ŭvieś budynak nanoŭ atynkujuć i pafarbujuć u šery koler. Adnoviać usie špili na budynku, a samaje hałoŭnaje — adnoviać centralny špil i ŭparadkujuć terytoryju.
Praŭda, nia viedaju, kali heta ŭsio zrobicca, ale pracy buduć praciahvacca da taho času, pakul chopić srodkaŭ», — kaža Ŭładzimier Tatarnikaŭ.
Pastar adznačaje, što budynak patrabuje restaŭracyi nia tolki zvonku, ale i ŭnutry. Tatarnikaŭ spadziajecca, što na hetuju spravu luteranskaja supolnaść atrymaje dapamahu ad uradu Niamieččyny.
Užo zaraz, pavodle pastara, z horadu Hanoveru pryvieźli łaŭki ŭ chram, a nieŭzabavie z Frankfurtu-na-Majnie pavinnyja dastavić arhan koštam bolš za miljard rubloŭ.
Aficyjnaj dataj zasnavańnia kirchi ŭ Horadni ličycca 1793 hod, ale ŭ 1912 hodzie chram značna pierabudavali, i praktyčna ŭ takim vyhladzie jon zachavaŭsia da našych dzion.