Źnikłych pad Homielem dvuch bratoŭ znajšli miortvymi ŭ race razam z aŭtamabilem
22.11.2013 / 14:37
Maładych ludziej, jakija źnikli 16 listapada ŭ Homielskim rajonie, znajšli miortvymi ŭ race razam z aŭtamabilem 22 listapada. Pakul niama padrabiaznaściaŭ, cieły dastajuć z vady.
Nahadajem, dva zvodnyja braty, jakim pa 28 hadoŭ, pajechali 16 listapada na lecišča ŭ kaapieratyŭ «Račnaja chvala» kala vioski Skitok Homielskaha rajona i źnikli bieź viestak. Na lecišča jany adpravilisia na aŭtamabili «VAZ-2105».
Zaniepakojenyja svajaki paśla taho, jak maładyja ludzi nie vyjšli na suviaź, pryjechali na lecišča, ale tam nie akazałasia ni mužčyn, ni mašyny. Byli znojdzieny tolki rečy źnikłych.