У Кіеве на Майдане сабраліся 4 тыс. чалавек
22.11.2013 / 22:46
Па стане на 22:00 на Майдане Незалежнасці ў Кіеве сабраліся каля 4 000 удзельнікаў акцыі пратэсту супраць заявы ўрада аб непадпісанні пагаднення аб асацыяцыі з ЕС. Яны трымаюць у руках украінскія сцягі і вялікі сцяг ЕС.
На вуліцы ідзе дождж, але мітынгоўцы на гэта не звяртаюць увагі. Некаторыя спяваюць песні, іншыя танчаць, яшчэ частка слухае выступы актывістаў і дэпутатаў.
Людзі заяўляюць, што будуць працягваць заставацца тут на ноч, нягледзячы ні на надвор'е , ні на пагрозы міліцыі разагнаць мітынгоўцаў.
Вялікі мітынг запланаваны на нядзелю.