Rasija raspačała padrychtoŭku sankcyj suprać ES i ZŠA ŭ adkaz
05.03.2014 / 11:23
Saviet Fiederacyi prystupiŭ da padrychtoŭki zakonaprajekta, zhodna ź jakim rasijskija ŭłady zmohuć kanfiskavać majomaść, aktyvy i rachunki amierykanskich i jeŭrapiejskich kampanij, u tym liku pryvatnych. Pra heta paviedamiŭ adzin z aŭtaraŭ zakonaprajekta, sienatar Andrej Klišas.
Prava kanfiskacyi atrymaje prezident i ŭrad Rasii. Pa słovach sienatara, prapanavanyja im miery «vidavočna adpaviadajuć jeŭrapiejskim standartam».
Svoj zakonaprajekt sienatar nazvaŭ adkazam na sankcyi z boku ZŠA i ES, jakija jany paabiacali pryniać u vypadku ŭvodu rasijskich vojskaŭ va Ukrainu. Klišas rastłumačyŭ, što jaho zakon dapamoža «abaranić naš suvierenitet ad zamachaŭ».
Dniom raniej prezident Uładzimir Pucin pryhraziŭ zachodnim krainam, što pryniatyja imi sankcyi naniasuć škodu abodvum bakam. Rasijski MZS sa svajho boku zajaviŭ, što ŭ vypadku pryniaćcia sankcyj z boku Vašynhtona Maskva budzie vymušana adkazać, pryčym «nie abaviazkova lustrana».