U Indyi žančyna naradziła dvuchhałovaje dzicia FOTA, VIDEA

15.03.2014 / 12:40

Na poŭnačy Indyi 28-hadovaja Urmiła Šarma naradziła dvuchhałovuju dziaŭčynku. U dziciaci dźvie hałavy, dźvie šyi, dva pazvanočniki i adno cieła.

Pra toje, što žančyna vynošvaje sijamskich bliźniat, lekar skazaŭ Urmile za dva tydni da rodaŭ. Z-za biednaści siamja nie mahła dazvolić sabie ultrahukavoje daśledavańnie płoda, jakoje b pakazała na anamałiju ŭ raźvićci na rańnim terminie ciažarnaści.

Dzicia naradziłasia z dapamohaj kiesarava siačeńnia vahoj 3,37 kh. Ciapier jano znachodzicca ŭ dziciačaj reanimacyi pad pilnym nahladam miedykaŭ. Lekary ličać, što šancy vyžyć ŭ małoj nievialikija, ale spadziajucca na lepšaje. Jak tolki jaje stan stabilizujecca, jaje praapieryrujuć.

Urmiła Šarma i jaje muž Subaš pakul znachodziacca ŭ stanie šoku. Lekary akazvajuć im psichałahičnuju dapamohu.

BiełTA