У Любані машына збіла дзіця. Хлопчык памёр у бальніцы
17.03.2014 / 15:19
Наезд на хлапчыка адбыўся позна вечарам, каля 23.05, у суботу 15 сакавіка ў райцэнтры Любань Мінскай вобласці.
«22- гадовы кіроўца Хёндай Лантра ехаў з аграгарадка Сарачы пад Любанню ў горад. На вуліцы Першамайскай, на мосце праз раку Арэса, па яго словах, раптам праезджую частку пачаў перабягаць пешаход. Кіроўца не змог пазбегнуць наезду. 12-гадовы хлопчык у выніку аварыі атрымаў цяжкія траўмы і быў шпіталізаваны», - паведамілі ў ДАІ МУС.
На наступную раніцу хлопчык памёр.
Па словах прадстаўнікоў ДАІ, кіроўца ў момант ДТЗ быў цвярозы. Інфармацыі аб тым, ці быў хлопчык з флікерам, няма.