Lavon Volski vypuskaje novy albom «Hramadaznaŭstva» — bieskampramisny
18.03.2014 / 16:20
Andrej Davydčyk
25 sakavika na 34mag.net vyjdzie samy bieskampramisny albom Lavona Volskaha. Na vilenskaj studyi Ymir Audio idzie apošniaja karekcyja kružełki «Hramadaznaŭstva», saŭnd-pradziusaram jakoj vystupiŭ narviežski muzykant Snore Berherud. Na minułym tydni my sustrelisia ź Lavonam i Snore, kab pahutaryć pra źmiest alboma, a taksama prajšlisia pa bolevych kropkach samoha Volskaha, jaki apošnim časam redka zhadžajecca na intervju.
In the right place at the right time
Lavon Volski – adna z samych rezanansnych asobaŭ u sučasnaj biełaruskaj kultury. Z časoŭ «06», apošniaha alboma kvarteta N.R.M., Lavon paśpieŭ vydać niekalki solnikaŭ, paciešyŭ prychilnikaŭ «Krambambuli» łonhpłejami, a taksama damohsia dla biełarusaŭ biaspłatnych vizaŭ na svaje kancerty ŭ Vilniu. Jaho pieśni adnolkava śpiavajuć i biełaruskija sałdaty ŭ vojsku, i baradatyja palitemihranty ŭ prakuranych kaviarniach Prahi, i kašłatyja «ruskarokiery» ŭ pierachodzie na Płoščy Pieramohi niedzie pamiž «Vsio idiot po płanu» i «Čto takoje osień».
Paśla padziej kanca 2010-ha mnohija čakali ad Lavona čahości bolšaha, čym «Drabadzi-Drabada». Da taho ž farmat rok-barda a-la biełaruski Bob Dyłan, u jakim usio čaściej vystupaŭ muzyka, amal nie davaŭ nadziei byłym fanam N.R.M., jakija čaściej i čaściej paŭtarali mantru «Lavon užo nie tort».
Ale niečakana dla ŭsich historyja padrychtavała jašče adnu zahahulinu, a hałasy tych, chto «dahetul čakaje na ruskija tanki», pačali čucca ŭsio hučniej. Mažliva, tamu «Hramadaznaŭstva» Volskaha atrymała śviatło, jak toj kazaŭ, in the right place at the right time.
Praciah čytajcie tut.