Kazachstan «z razumieńniem stavicca» da rašeńnia Rasii pa Krymie
18.03.2014 / 20:16
Reuters.com
Kazachstan pryniaŭ referendum, jaki prajšoŭ u Krymie 16 sakavika, za «svabodnaje volevyjaŭleńnie nasielnictva» i z razumieńniem stavicca da rašeńnia Rasijskaj Fiederacyi.
Pra heta havorycca ŭ zajavie na sajcie Ministerstva zamiežnych spraŭ Kazachstana.
«U suviazi z praviadzieńniem refierendumu ŭ Aŭtanomnaj respublicy Krym 16 sakavika 2014 hoda Kazachstan iznoŭ padkreślivaje svaju prychilnaść fundamentalnym pryncypam mižnarodnaha prava ŭ adpaviednaści sa Statutam AAN. U Kazachstanie pryniali refierendum, jaki prajšoŭ u Krymie, za svabodnaje volevyjaŭleńnie nasielnictva hetaj aŭtanomnaj respubliki i z razumieńniem staviacca da rašeńnia Rasijskaj Fiederacyi ŭva isnujučych umovach. My vystupajem za mirnyja formy vychadu Ukrainy z kryzisu i jaho pieraadoleńnie šlacham pieramoŭnaha pracesu pad ehidaj AAN i inšych aŭtarytetnych mižnarodnych arhanizacyj», — havorycca ŭ zajavie.