«Sałdackaja maci» z Kijeva ciapier u Krymie FOTAFAKT
«Hastralorku» niekalki tydniaŭ tamu vykryli ŭkrainskija žurnalisty.
19.03.2014 / 09:25
Skandalnaja aktyvistka, jakaja «zaśviaciłasia» ŭ roznych ipastasiach na prarasiejskich mitynhach pa ŭsioj Ukrainie, pryjechała ŭ Krym.
Apošni raz jaje bačyli ŭ rasijskim Novačarkasku, dzie jana vystupała na mitynhu ŭ padtrymku Kryma i ŭschodniaj Ukrainy. Žančyna pradstaviłasia ŭciakačkaj z Daniecka i raskazała, jak «uciakała nočču». Vystup pakazali ŭ siužecie rasijskaha «Pieršaha kanała».
Raniej «hastralorka» ŭ roli «adesitki» vystupała ŭ Sievastopali — prasiła dapamohi ŭ Rasii. A za niekalki dzion da hetaha žančyna, zamatanaja ŭ rasijski ściah, demanstravała svoj talent pramoŭcy na mitynhu ŭ Charkavie.
Bačyli emacyjnuju błandynku i ŭ lutym u Kijevie — u futbołcy «sałdackaj maci» i ź simvolikaj Partyi rehijonaŭ jana chadziła da barykady na Hrušeŭskaha.