«Azot» pabuduje kala Hrodna trochpaviarchovy akvapark
AAT «Hrodna Azot» na bazie pustoha pijanierłahiera imia Haharyna pabuduje spartyŭna-turystyčny centr.
20.03.2014 / 09:45
Niekalki dzion tamu skončyłasia hramadskaje abmierkavańnie architekturnaha prajekta «Rekanstrukcyja dziciačaha azdaraŭlenčaha łahiera imia Haharyna pad spartyŭna-turystyčny kompleks AAT «Hrodna Azot». Pradpryjemstva vykupiła kala sanatoryja «Žamčužyna» niadziejny łahier imia Haharyna.
Jak raskazaŭ hałoŭny inžynier siektara addzieła kapitalnaha budaŭnictva SUP «AzotSiervis» Viktar Žeža, pačalisia papiarednija pracy: hieadezičnyja pošuki, padrychtoŭka ŭčastka. Kaštarysny košt prajekta składaje bolš za 630 młrd rubloŭ.
Na pieršym etapie płanujecca budaŭnictva spartzały, punkta propusku, parkoŭki na 43 mašynamiescy, dobraŭparadkavańnie terytoryi. Zatym źjaviacca dvuchpaviarchovyja haściavyja damy kłasa «luks», dziciačaja placoŭka. U płanie taksama restaran, boŭlinh, adkrytaja estradnaja placoŭka, adkryty stadyjon, spartzała dla spabornictvaŭ rehijanalnaha i miascovaha ŭzroŭniaŭ i trenirovak, plažnaja zona i abstalavanaje miesca dla rybałki. Pamiž budynkami praduhledžanyja nadziemnyja pierachodnyja placoŭki.
Papłavać možna budzie ŭ akvaparku. U prajekcie trochpaviarchovaha vodnaha kompleksu — univiersalnyja vanny, vodnyja atrakcyjony, hidramasaž, horki, chutkasnyja truby, džakuzi, basiejn, štučnaja raka, łaźni (ruskaja, finskaja), kryasaŭna, zimovy sad i inšaje.
Dla zabavak praduhledžany restaran na 100 miescaŭ i bankietnaja zała. U boŭlinhu buduć 4 darožki, bar na 40 miescaŭ, dźvie biljardnyja zały.