Łukašenka prapanuje kitajcam usio
25.10.2007 / 14:03
Alaksandr Łukašenka prapanavaŭ kitajskamu chołdynhu Midea pašyryć svoj biźnies u Biełarusi. Ab hetym kiraŭnik dziaržavy zajaviŭ siońnia na sustrečy z kiraŭnictvam hetaj kampanii.
Prezident adznačyŭ, što jon upieršyniu sustrakajecca z pradstaŭnikami kitajskaha biźniesu. "Spadziajusia, što heta pieršaja, ale nie apošniaja sustreča z vami. Pierakanany, što śledam za adnoj z bujniejšych kitajskich kampanij da nas pryjduć i inšyja", - skazaŭ jon.
Alaksandr Łukašenka asabliva akcentavaŭ uvahu na tym fakcie, što za karotki pieryjad času, jaki prajšoŭ paśla jaho vizitu ŭ KNR u 2005 hodzie, kitajski chołdynh invieściravaŭ u stvareńnie ŭ Biełarusi vytvorčaści ZVČ-piečaŭ. Ciapier užo vyrablena 120 tys. adzinak hetaj pradukcyi.
Pry hetym kiraŭnik dziaržavy padkreśliŭ, "što biźnies kampanii Midea u Biełarusi budzie pad nadziejnaj abaronaj". "Bolš za toje, my prapanujem vam pašyryć svaju prysutnaść u Biełarusi, u centry Jeŭropy, i hatovy stvaryć nieabchodnyja ŭmovy", - dadaŭ prezident.