Чарговая сенсацыя ЧС па хакеі: Латвія вырвала перамогу ў Фінляндыі

10.05.2014 / 19:28

На чэмпіянаце свету па хакеі здарылася чарговая сенсацыя. Зборная Латвіі вырвала перамогу ў Фінляндыі — 3:2 (1:1, 0:1, 2:0). Матч прайшоў на «Мінск-Арэне».

Delfi.lv

Латвійскія хакеісты двойчы ў матчы саступалі фінам, але здолелі не толькі зраўняць лік, але ў выніку і перамагчы. Гэта першая перамога Латвіі над фінамі ў гісторыі.

Сёння ў нашай групе «В» Германія выйграла па булітах у Казахстана — 2:1. Вечарам а 20:45 пачнецца матч ЗША — Швейцарыя.

У групе «А» Нарвегія перамагла Італію 3:0, а Швецыя з такім жа лікам Данію. Вечарам на «Чыжоўцы-Арэна» згуляюць Канада і Славакія.

Зборная Беларусі ў нядзелю гуляе з Казахстанам (17:30), матч з Фінляндыяй пройдзе ў чацвер, а з Латвіяй — 19 мая.