МЗС Францыі: ХАМАС і Ізраіль самі не памірацца
04.08.2014 / 14:39
Міністр замежных спраў Францыі Ларан Фабіус прапанаваў міжнароднай супольнасці знайсці палітычнае рашэнне канфлікту Ізраіля і ХАМАСа ды прымусіць абодва бакі да яго выканання.
Выступаючы ў Парыжы, палітык выказаў упэўненасць, што праціўнікі няздольныя самі заключыць надзейнае перамір'е.
Паводле словаў Фабіуса, міжнародная супольнасць павінна гарантаваць Ізраілю бяспеку ад будучых налётаў.
У ноч на панядзелак ізраільскія вайскоўцы абвясцілі пра спыненне агню ў Газе на сем гадзін.