Miaśnikovič nie bačyć pahroz dla ŭnutranaha rynku Biełarusi ad pavieličeńnia ekspartu ŭ Rasiju
14.08.2014 / 20:33
Premjer-ministr Biełarusi Michaił Miaśnikovič ličyć, što Biełaruś moža naraścić abjomy ekspartu praduktaŭ charčavańnia ŭ Rasiju biez škody dla ŭnutranaha rynku. Takoje mierkavańnie jon vykazaŭ žurnalistam u čas naviedvańnia AAT «Krynica».
«My hatovy naraścić abjomy ekspartu ŭ Rasiju, i heta nie paŭpłyvaje admoŭna na ŭnutrany rynak, — zapeŭniŭ premjer-ministr. — Maje śćvierdžańni zasnavanyz na bałansach vytvorčaści i realizacyi pradukcyi, jakija my skłali».
Pierš za ŭsio, pavodle słoŭ Michaiła Miaśnikoviča, pavialičyć biełaruski ekspart u Rasiju płanujecca za košt naroščvańnia abjomu vytvorčaści.
Kiraŭnik urada adznačyŭ, što siońnia biełaruski ekspart i tak maje davoli vialikuju ŭdzielnuju vahu ŭ imparcie Rasii. Ličby roznyja — u zaležnaści ad hrup tavaraŭ. Tak, naprykład, pa jałavičynie heta 16-18 pracentaŭ, pa syrach — kala 40 pracentaŭ.
Syroŭ, jak zajaŭlaŭ hetymi dniami ŭ Minsku kiraŭnik Rassielhasnahlada Siarhiej Dankviert, Biełaruś mahła b pastaŭlać udvaja bolš. Šerah ajčynnych syrzavodaŭ pacvierdzili ŭžo hatoŭnaść pavieličeńnia ekspartu. Dyjałoh pa pytańniach naroščvańnia abjomu pastavak sielskahaspadarčaj pradukcyi biełaruskaj vytvorčaści adbyŭsia taksama ŭ Maskvie. Baki damovilisia vypracavać doŭhaterminovuju stratehiju pastavak.