Хуліган у Кобрынскім раёне абстраляў з пнеўматычнага пісталета рэйсавы аўтобус
25.09.2014 / 10:58
У Кобрынскім раёне хуліган абстраляў рэйсавы аўтобус з пнеўматычнага пісталета, паведамілі ва ўпраўленні ўнутраных спраў Брэсцкага аблвыканкама.
Пра здарэнне паведаміў праваахоўнікам кіроўца аўтобуснага парка.
Ён расказаў, што 23 верасня каля 23.30 невядомы пашкодзіў дзве шыбы ў рэйсавым аўтобусе МАЗ-103, прычыніўшы шкоду на суму Br2,4 млн.
Устаноўлена, што хуліганства здзейсніў 20-гадовы жыхар Брэста. Ён затрыманы. Пісталет канфіскаваны.