Парашэнка: Украіна падасць заяўку аб уступленні ў ЕС у 2020 г.
25.09.2014 / 13:05
фота прэс-службы кіраўніка ўкраінскай дзяржавы
Прэзідэнт Пятро Парашэнка заяўляе, што Украіна мае намер падаць заяўку на атрыманне сяброўства ў Еўрапейскім Саюзе ў 2020 годзе.
Пра гэта ён сказаў, адкрываючы другі этап 12-га пазачарговага з'езда суддзяў.
Ён адзначыў, што ў чацвер прэзентуе грамадскасці сваю праграму рэформаў «Украіна 2020».
«Гэтая праграма прадугледжвае каля 60 рэформаў і спецпраграмы, выкананне якіх дазволіць Украіне падрыхтавацца для таго, каб праз 6 гадоў нам з вамі падалі заяўку на атрыманне сяброўства ў Еўрапейскім Саюзе», — заявіў ён.
Прэзідэнт адзначыў, што адной з найважнейшых рэформ з'яўляецца змяненне судовай сістэмы.
Парашэнка падкрэсліў, што неабходна нанова пабудаваць давер у грамадстве да суддзяў. Як вядома, Кабмін разлічвае цалкам імплементаваць пагадненне аб асацыяцыі з ЕС да 2017.