Źmitra Vajciuškieviča aficyjna vyklučyli z «čornaha śpisu»
01.10.2014 / 13:30
Vykanaŭca rychtujecca da pieršaha lehalnaha solnaha kancerta paśla pierapynku ŭ try hady.
Minharvykankam vydaŭ hastrolnaje paśviedčańnie na kancert Źmitra Vajciuškieviča, jaki płanujecca zrabić 29 kastryčnika ŭ DK imia Šarko ŭ Minsku.
Pra heta vykanaŭca paviedamiŭ partału Tuzin.fm. «Biezumoŭna, radujusia mahčamaści znoŭ źjaŭlacca pierad publikaju, rychtuju z hetaj nahody razam z WZ-orkiestra prahramu z najlepšych piesień, a kali kvitki dobra pojduć, dyk zajavim jašče adzin kancert z prezentacyjaj šanson-prahramy», – zaznačyŭ Źmicier.
Apošni aficyjny kancert Vajciuškievič daŭ 8 sakavika 2011, paśla čaho apynuŭsia ŭ «čornym śpisie».
Upieršyniu za try hady vykanaŭca lehalna vystupiŭ na prezientacyi prajektu «Re:Pieśniary». Hety jaho vystup uzhadniaŭsia na ŭzroŭni administracyi prezidenta.