U Parašenki niama aptymizmu paśla sustrečy z Pucinym
17.10.2014 / 15:02
fota z Twitter pres-sakratara prezidenta Ukrainy Śviatasłava Cehołki
Prezident Ukrainy źjaŭlajecca «nie zanadta aptymistyčnym» pa vynikach pieramovaŭ z prezidentam RF Uładzimiram Pucinym, što adbylisia 17 kastryčnika ŭ Miłanie.
Pra heta jon zajaviŭ padčas sustrečy z kancleram Aŭstryi Viernieram Fajmanam, paviedamlaje Reuters.
«Na žal, ja nie zanadta aptymistyčny», — skazaŭ jon u pačatku sustrečy z aŭstryjskim kaleham.
Raniej ab składanaści i nieparazumieńni ŭ chodzie pieramovaŭ pamiž ukrainskim i rasijskim lidarami paviedamili ministr zamiežnych spraŭ Ukrainy Pavieł Klimkin i pres-sakratar prezidenta RF Dźmitryj Piaskoŭ.
16 kastryčnika ŭ Miłanie adbyłasia šmatbakovaja sustreča z udziełam prezidentaŭ Parašenki i Pucina. Jak paviedamiŭ italjanski premjer Matea Rency, Pucin i Parašenka z udziełam jeŭrapiejskich lidaraŭ abmiarkoŭvali efiektyŭny kantrol ahulnych miežaŭ.