Były kamandujučy brytanskaj armii pajšoŭ u najomniki
17.10.2014 / 18:48
Hienierał Devid Ryčards, jaki raniej byŭ kiraŭnikom brytanskaha hienieralnaha štaba, staŭ supracoŭnikam pryvatnaj vajskovaj kampanii DynCorp International, paviedamili brytanskija ŚMI na hetym tydni.
Hienierał Devid Ryčards
Ryčards syšoŭ u adstaŭku ŭ minułym hodzie paśla 3 hod słužby na samaj vysokaj pasadzie ŭ brytanskich uzbrojenych siłach.
DynCorp — adna z samych bujnych vajskovych kampanij u śviecie, jaje hadavaja vyručka za minuły hod skłała $3,3 młrd. Ryčards staŭ staršynioj kamiśsii daradcaŭ brytanskaha adździaleńnia DynCorp.
Ciapier kampanija ŭdzielničaje ŭ konkursie na pakupku dziaržaŭnaj firmy Defence Support Group, jakaja zajmajecca ramontam i madernizacyjaj vajskovaj techniki brytanskaj armii.