Amierykanskaja armija ekśpierymientuje z novaj sistemaj fizpadrychtoŭki
19.10.2014 / 00:33
ZŠA pravierać, jak lepš fizična padrychtavać žaŭniera
Adciskańni padčas amierykanskaha konkursu «Najlepšy vajar» u 2013 hodzie.
Bolš za 200 žaŭnieraŭ u 20 hrupach buduć rychtavacca pa dźviuch adroznych prahramach fizičnaj padrychtoŭki pad nahladam daśledčykaŭ z Kanzaskaha ŭniversiteta, kab vyśviatlić, jakaja ź ich bolš efiektyŭnaja, piša sajt militarytimes.com.
Adnyja ź ich buduć vykarystoŭvać standartnuju armiejskuju prahramu, inšyja –— sistemu CrossFit. Biudžet daśledavańnia - $2,5 miljona.
Apošni varyjant aficyjnaj prahramy amierykanskaj armiejskaj fizičnaj padrychtoŭki byŭ apublikavany ŭ 2012 hodzie.
Sistema CrossFit — kamercyjnaja, stvoranaja adnajmiennaj kampanijaj. Jana, jak kažuć stvaralniki, kancentrujecca na vykarystańni kožny raz novych vielmi intensiŭnych funkcyjanalnych ruchaŭ, i atrymała vialikuju papularnaść u druhoj pałovie 2000-ch hadoŭ.