Na branskim sajcie 73% naviednikaŭ prahałasavali za ŭvachod Branska ŭ skład Biełarusi
19.10.2014 / 09:35
Branskaje internet-vydańnie «HorodB» zapuściła apytańnie siarod svaich čytačoŭ, jaki varyjant dziaržaŭnaj prynaležnaści horadu Bransku jany b abrali. Za ŭvachodžańnie ŭ Biełaruś užo prahałasavała 73 pracenty.
«Łukašenka Bransk ličyć biełaruskim. Na pres-kanferencyi 17 kastryčnika jon namiaknuŭ, što Pucinu pryjdziecca padzialicca z zachodnim susiedam častkami Branskaj, Smalenskaj i Pskoŭskaj abłaściej. Zrazumieła, što heta niemahčyma, nu a kali raptam zdarycca referendum, jak prahałasujuć čytačy?» — piša redakcyja na svaim sajcie, i daje nastupnyja varyjanty:
Na referendumie vy prahałasujecie za
• Bransk u składzie Rasiei
• Bransk u składzie Biełarusi
• Bransk u składzie Ŭkrainy
• Branskuju Narodnuju Respubliku
• Svoj varyjant
Na momant publikacyi za ŭvachod u skład Biełarusi prahałasavała 73%. Adnak prahałasavać moža luby karystalnik interneta, i pabačyć, kolki z tych, chto hałasavaŭ, nasamreč žychary Branščyny — niemahčyma. Jak śćviardžajuć supracoŭniki sajta, bolšaść udzielnikaŭ hałasavańnia pryjšła z biełaruskich resursaŭ.