Isłamisty rychtavali zamach na karalevu Lizavietu II
08.11.2014 / 12:24
Brytanskaja palicyja praduchiliła zamach na karalevu Lizavietu II. Zatrymanyja čacviora isłamistaŭ.
Jak piša vydańnie Sun, terarysty płanavali zabić karalevu ŭ piatnicu padčas mierapryjemstvaŭ u honar zahinułych u vojnach i ŭzbrojenych kanfliktach. Złačyncy płanavali napaści na Lizavietu Druhuju z nažom u karaleŭskim Albiert-chole. Pry hetym nie vyklučana, što ŭ ich była i ahniastrelnaja zbroja.
Samamu małodšamu z čacviarych padazravanych 19 hadoŭ, jaho zavuć Jusuf-Said, jon niadaŭna viarnuŭsia z pajezdki ŭ Pakistan. Jak paviedamlajecca, u apieracyi pa praduchileńni zamachu ŭdzielničali palicyja, bajcy Kontrterarystyčnaha padraździaleńnia, ahienty vyviedki MI5 i inšyja śpiecsłužby. Ci byli źviazanyja padazravanyja z hrupoŭkaj «Isłamskaja dziaržava», nie ŭdakładniajecca.
Lizaviecie Druhoj raspaviali ab płanavanym zamachu, adnak u Bukinhiemskim pałacy vyrašyli nie admianiać ŭdzieł karalevy ŭ aficyjnych mierapryjemstvach.