Кубінскі доктар вылечыўся ад Эболы і вярнуўся на радзіму
07.12.2014 / 12:21
Кубінскі доктар вылечыўся ад віруса Эбола ў жэнеўскай клініцы і вярнуўся дадому ў Гавану. Яго сустракалі сваякі і прадстаўнікі ўладаў.
Фота cubanosporelmundo.com.
43-гадовы Баэс Сар'я (Felix Baez Sarria) уваходзіў у склад міжнароднай каманды, якая была адпраўленая ў Сьера-Леонэ для аказання дапамогі пацыентам з Эболай. Першыя сімптомы ліхаманкі выявіліся ў Сар'і 16 лістапада, пасля чаго ён быў дастаўлены ў сталічную бальніцу Сьера-Леонэ, 17 лістапада тэсты пацвердзілі дыягназ «ліхаманка Эбола».
Згодна з рашэннем Сусветнай арганiзацыi аховы здароўя (СААЗ), Сар'я быў дастаўлены ва ўніверсітэцкі шпіталь у Жэневе, які спецыялізуецца на лячэнні інфекцыйных захворванняў.