Ministr finansaŭ Amaryn nie zmoh nazvać jašče krainy, dzie spahaniajecca zbor pry nabyćci valuty
19.12.2014 / 16:51
Ministr finansaŭ Uładzimir Amaryn ličyć rašeńnie ab uviadzieńni 30-pracentnaha zboru z pakupnikoŭ valuty uzvažanym i abhruntavanym.
«U ciapierašniaj situacyi heta uzvažanaje, pravilnaje i abhruntavanaje rašeńnie. Vy ž bačycie, što adbyviecca vakoł», — skazaŭ jon.
Pytańnie ab tym, ci źjaŭlałasia takoje rašeńnie adzinym vychadam u isnujučaj ekanamičnaj situacyi, zastałosia biez kankretnaha adkazu.
Pry hetym Amaryn nie zmoh nazvać jašče krainy, dzie isnuje praktyka spahnańnia zboraŭ pry kupli zamiežnaj valuty.
«Dumaju, što isnuje takaja praktyka, ale nie mahu skazać dzie», — adznačyŭ jon.
Siońnia Nacyjanalny bank Biełarusi pryniaŭ rašeńnie ab časovym uviadzieńni 30-pracentnaha zboru pry kupli valuty jurydyčnymi i fizičnymi asobami. Pradpryjemstvy i banki buduć vypłačvać dadzieny zbor pry nabyćci valuty na biržy, hramadzianie — u vyhladzie kamisii pry kupli ŭ bankach. Vypłačanyja srodki buduć nakiroŭvacca ŭ biudžet.