У Крыме пачаліся адключэнні электрычнасці, святла не будзе кожную трэцюю гадзіну

22.12.2014 / 00:35

Падачу электраэнергіі насельніцтву будуць перарываць на восем гадзінаў штодня, абвясцілі жыхарам Севастопаля. Святло будзе знікаць чатыры разы на суткі, кожны раз на дзве гадзіны.

«Крымэнерга» тлумачыць перабоі вывадам у рамонт лініі электраперадач Мелітопаль—Джанкой, піша Бі-Бі-Сі.

Акупаваны Расіяй Крым па-ранейшаму атрымлівае электрычнасць і ваду з Украіны. Кіеў не спыняў паставак нават у часе вайны ў Данбасе.

СГ