Беларускія навукоўцы распрацавалі сапфіравае шкло для LG
Навуковая лабараторыя Гомельскага дзяржаўнага ўніверсітэту імя Скарыны прапанавала LG танны варыянт атрымання сапфіравага шкла для смартфонаў, перадае TUT.BY.
22.12.2014 / 15:32
Універсітэт ужо падпісаў кантракт на супрацоўніцтва з LG. Калі якасць тэставай партыі задаволіць LG, можна чакаць кантрактаў на масавую вытворчасць шкла.
Новы спосаб атрымання сапфіравага шкла дазваляе пазбегнуць стадыі плаўлення, што робіць працэс танней без страты якасці.
У верасні 2014 года Дзярэкамітэт па навуцы і тэхналогіях паведаміў аб заключэнні паўсотні кантрактаў на суму больш за 2 млн даляраў у межах беларуска-карэйскага супрацоўніцтва.
***
Сапфіравае шкло можа замяніць у смартфонах звыклае сёння калёнае шкло (найбольш вядомае шкло Gorilla Glass кампаніі Corning). Перад выхадам iPhone 6 хадзілі чуткі аб тым, што менавіта ў новым смартфоне Apple з’явіцца сапфіравае шкло. Але на снежань 2014 года на рынку ёсць менш за дзясятак не самых распаўсюджаных смартфонаў з такім шклом.
Сённяшняе сапфіравае шкло (не беларускай вытворчасці) на 25% больш устойлівае да драпін у параўнанні з Gorilla Glass. Але пры падзенні яно б’ецца значна хутчэй.