Viadomy akcior Styvien Fraj zaklučyŭ šlub z komikam Ełijotam Spenseram
17.01.2015 / 23:13
57-hadovy brytanski akcior i dramaturh, viadomy pa sieryjale «Džyŭs i Vustier» i sazie «Chobit» Styvien Fraj ažaniŭsia sa svaim partnioram, 27-hadovym komikam Ełijotam Spenseram.
Pra heta Fraj napisaŭ u svaim akaŭncie ŭ Twitter. Akcior vykłaŭ fota z hramadzianskaj cyrymonii, supravadziŭšy jaho podpisam: «Boža, Ełijot Spenser i ja ŭvajšli ŭ pakoj jak dva roznyja čałavieki, a vyjšli ŭžo jak adzinaje cełaje. Cudoŭna».
Ab svaich zaručynach para abviaściła taksama praz Twitter dva tydni tamu.
Jak miarkujecca, adnosiny dvuch akcioraŭ pačalisia kala hoda tamu. Fraj, adkryta zajaŭlajučy pra svoj homaseksualizm, staranna achoŭvaje svajo asabistaje žyćcio i praktyčna nikoli nie adkazvaje na pytańni pra jaho.