Tolki 35% pasažyraŭ minskaha mietro karystajucca žetonami
Minski mietrapaliten padvioŭ niekatoryja vyniki pracy za minuły hod.
19.01.2015 / 13:18
U siarednim štodnia ŭ mietro spuskalisia 872,7 tys. minčan i haściej horada. Pasłuhami padziemki ŭ 2014-m skarystalisia bolš za 318,5 młn pasažyraŭ. Udzielnaja vaha mietrapalitena ŭ sistemie haradskoha pasažyrskaha kamunalnaha transpartu składaje 38,4%.
U minułym hodzie ŭ mietrapalitenie vyvieli z abaračeńnia mahnitnyja karty i papiarovyja prajaznyja, pakinuŭšy ŭ jakaści srodku apłaty bieskantaktavyja smart-karty (BSK), žetony dy ŭviali SMS-kvitki.
Žetonami siońnia karystajucca prykładna 35% pasažyraŭ padziemki (u pačatku 2014 hoda — kala 58%).
46% prajaznych — heta BSK na kolkaść pajezdak. Samyja papularnyja ź ich — na 10 pajezdak. Z terminovych kvitkoŭ samymi zapatrabavanymi zastajucca prajaznyja na miesiac ź luboj daty.