Haradskija ŭłady Bresta admovilisia zdymać z vakna kachanka ŭ majtkach
Instalacyju mužčyny, što vyłazić z vakna doma na vulicy Dziaržynskaha, abaraniŭ kiraŭnik harvykankama, pišuć Naviny.by.
23.01.2015 / 17:44
Fota: BiełaPAN
Kamunalnyja słužby i milicyja Bresta pravodziła vyjaznyja pasiedžańni pad kachankam, horad moh stracić ab’iekt. Ale ideja spadabałasia kiraŭniku harvykankama Alaksandru Rahačuku, za los kachanka možna nie chvalavacca.
Na śviaty kachanak budzie mianiać imidž, na 14 lutaha i 8 sakavika ŭ jaho z’iaviacca kvietki.
Instalacyju zrabiła kampanija «Biuro Śviataŭ», ideju padhladzieli ŭ Prazie. Pad instalacyjaj aŭtary chočuć ustalavać litoje serca, ale haradskija ŭłady pakul nie dajuć dazvoł, budynak jość histaryčnym pomnikam.
U Breście znajšłasia adpaviednaja haradskaja lehienda.
Kažuć, što napačatku ChCh stahoddzia ŭ Vacłavy, maładoj žonki kapitana polskaj palicyi Andžeja Vujčyka, z’iaviŭsia kachanak Hieorhij. Kapitan złaviŭ kachanku ŭ kvatery, ale Hieorhij pasprabavaŭ uciekčy praz vakno. Padčas hetaha Andžej streliŭ u kachanka, trapiŭ jamu ŭ serca. Hieorhij pamier na miescy, na nastupny dzień atruciłasia Vacłava.